ميسم

قالت له يومها أنت مغرق بتفاصيلك حتى الثماله أفق علك تسمع …
صمت مبحلقا ضحك وضحك وصمت
كان صمتا بين ضحكتين وبكاء
علا صوت الهاتف قليلا وانقطع
-من؟
-من!
-المتصل؟
-لا يغريني هاتف يرن ! ثم من يرن على هاتف أرضي هذه الأيام!؟
-قد أكون أنا بيوم من الأيام ألا أغريك لتسمع صوتي ؟
-سكون_كلاكيت مره أولى_
-اذن
-نعم
-سكون_كلاكيت مره ثانيه_
- ليس هناك مايدعو للخروج شمس آب حارقه وأنا أريد أن  أسمع
-ماذا؟
-أليس هناك مايقال؟
-لا فلا جديد وأنا هكذا أنا واذا بتحبي “بهديكي”غنية زياد بتعرفيا!!!!
-ولو
صمت مطبق وضحك وبكاء
 
من وحل الخيال
لهم :
يغريني صمت النهايه وضجيج البدايه ومابين بداية ونهايه تفاصيل واهيه يجمع اثنان على حمقها وخطئها وربما فرحها من حين لآخر
لذلك نحن هنا لنشهد نهاية كانت بداية
لنكتب

أن تكون الكتابه مشروعا مؤجلا يعني أن تمارس مشروعا مؤجلا للمواجهة ,ربما مواجهة الذات أو الأخر أو الواقع هو مؤجل وكفى
ربما لأنني أجدها أحيانا وسيلة للتفكير بصوت مرتفع. 
كانت هناك جمله في احدى ثلاثيات مستغانمي أنه بما معناه,ملاحظه-لم أستطع يوما الا قله قليله عن حفظ نص حرفي أو اعادة سرد حوار كما كان ,هذا ماكان يشعرني بالمراره عندما كان يتوجب علينا أيام المدرسه أن نحفظ نص قرآني 
أو قصيده …

ما كانت تقوله مستغانمي أننا عندما نكتب نقتل ما حدث ونطويه صفحة في كتاب لننسى لاأدري مدى صحة قولها تطبيقا ولكنني على يقين أن

الكتابة دواء أو وسيله للشفاء

لاأدري ان كنت سأنشر هذه التدوينه أو ستبقي في طي المسوده كالعاده ….

ربما لأنها مغرقه بالتفاصيل
ما علينا……….
ما كان هدف هذه التدوينه لا أدري ولكنني اريد الكتابه أريد التنفس….
منذ أكثر من شهر لم أتنفس حُذفت مدونتي قبل شهرين لخلل في الserver
وعادت منذ ثلاثة أسابيع لا أخفيكم اشتقتها كأنني سلبت شيئا ثمينا مع ان مسودات “خرابيشي “معظمها موجود لدي فأنا لم أفقد صلتي بالقلم والورقه أحب أن أكتب بقلم على ورقه هناك حميمية مفقوده بالكتابة على الجهاز مباشره مع أن البعض يأخذ ما أفعله غباءا ولكننا هنا لأننا نمارس دورا من أدوار الغباء لا يضيركم تحمل غبائي قليلا….
تمني… ملوش دخل بلحكي الي كان فوق انسو كلشي نكتب لأنها ببساطه “خراريف “حدا عاطل عن العمل ومنضم لسوق البطاله
الي عندو وسيله للتركيز أيوه أيوه أيوه ….
شيء بيزيد التركيز أو يمكن يطول البال يدلني!!!
تخيلو مقال كم سطر مش عم بقدر أركز فيه ولا أكملو
او بتعرفوا يمكن لأنها “الخراريف “ نفسها بيزيدوا وبيعيدوا فيها
الله يجيبك ياطولة البال

بلا حكي فاضي ومليان ماعلينا زهقت وبنحكي مش هيك بحكو…
 

لكل الحركات الطفوليه التي مارستها هناك…
الى شغبي وقلقي …
الى نقدي وجلدي الذاتي لكل ما كان…
اكتشفت بعدها أني بطفولية كل المواقف التي كانت وبراءتها كنت أنا …
لنقل أننا بيننا وبين أنفسنا نبدأ بصنع الحواجز
بدأ…
بينك وبين نفسك ,باعترافاتك ,بتقلباتك ,بجلدك الذاتي….
بعدها بينك وبين الآخر أين كان الأخر
ربما هي حواجز وجدت لتزال ,لنتجاوزها ,لنصل الى ملاذنا وراحتنا الانسانيه
ولكن هل أنت
وهل أنا؟
استطعنا ولو قليلا أن نتغلب على كل ما هناك من جمود
لهم ولنا كونوا قليلا أنتم!!!

ممكن نحكي انها مدونة صرصوريه اه صرصوريه من صرصور

شو بفرق الصرصور عنا ولا اشي هو بهرب وبتخبا بلعب معنا غماي  والشاطر الي بيحكي كومستر الاول لكن الفرق بينا وبين الصرصور انه أشطر,اسرع وأحسن 

بدور على رزقته لأنه

هاد ياجماعة الخير في صرصور بيحوم هسا بالغرفه وصراحه طلع كتير أشطر مني بالغمايه ومش قادره عليه شو دخلكم العمل

الحلو انه هالصرصور خلاني أفكر أكتب مدونه صرصوريه تخيلو الصرصور بكل قرفه ….

فاصل-

هسا امي لما تقرا التدوينه حاتكيلي يعني هسا شوبدها تحكي الناس عنا وسخين في عنا صراصير بالدار

فأنا بحكيلها من هسا انه كل الناس عندها بلاليع بالدار وشبابيك كمان-

فخلينا بالموضوع…..

ولا شو بتفكروا انتو تخيلو في ألف موضوع ينكتب عنه أو ألف اشي شخصي ومش شخصي ممكن ينحكى فيه وبالنهايه بكتب عن صرصور

يعني عالمستوى الشخصي شو بدكم أحسن من اني تخرجت منا الجامعه اه خلصت جامعه تخيلو بس هاد الشي مخلنيش أكتب القرف ممكن 

لكن الصرصور خلاني أكتب

تخيلو حتى الهجوم على قافلة أسطول الحريه ماخلنيش أكسر حاجز الصمت يمكن لأني قرفت حكي وتنديد وحكي عن المشاعر والاحاسيس الي بطلت تسوى شلن

 سوقيه شوي تعبيراتي صح

بس مش مهم

يعني بما انه ستي” المدنيه ” ما حتقرأ هالتدوينه وما حتكيلي حسني ألفاظك فمش مهم

ما علينا………

هاد ياجماعة الخير أنا شبهت حالنا كعرب بحال هالصرصور

بنهرب بنهرب وبنحاول نتخبى بس مش لاكين مكان نتخبى فيه وكل العالم نازلين يكمسرو فينا 

اه يكمسرو=من كَمسره فهو مُكَمسر

حتى أحزابنا العربيه بكل أشكالها متكمسره محشوره بأضيق خانة يك 

يعني يا جماعه بحاول أفهم بس أفهم مش زابطه حتى الفهم مش زابط تخيلو……………

رجوعا لموضوع القافله كنت متابعه للموضوع لأقصى الحدود وشعرت بتخبط نفسي شديد لما هاجموا القافله 

بس تخيلو موقفي لما أطلع باعتصام الموجودين فيه ماقدروش يتفقو عالهتاف يمكن انا هون مش بصدد اهاجم اتجاه سياسي معين 

لكن عفوا والي بدو يفهم يفهم لما تطلع باعتصام هدفه غزه وحصار غزه لليش نازل طالع بتحكيلي شعارات ملهاش دخل بالموضوع 

يعني حتى عمستوى الأحزاب الي بتمثل قوى المعارضه مقدرتش توحد صفها زي الناس باعتصام بسيط 

برضو ماعلينا ………..

التدوينه مخربطه صح 

برضو مش مهم يعني هي بدها توكف عالتدوينه مهي حياتنا كلها مخربطه بطلت فاركه

الجو شوب كثير الله يعينكو ياأهل غزه 

اه والله صح

 مهو الشوب أحسن من الهوا والمطر الي عشتو بالخلا الشتويه الماضيه 

هوا براح بالخلا 

شو بدكو في الاسمنت خلي لبعدين وفروا لبعدين أحسن

فكركوا بطلع الصرصور ولا مش راح يطلع

لم يكن يوحي هذا الصباح الا بسيجارة وقهوه وانصات وكتابه علك تتنفس من جديد …

دخان سيجارة يتصاعد يأخذ أشكال عده كأشكال محيطك وحياتك يبدأ كثيفا ويتلاشى أثره قليلا قليلا

 ولكنه لا يفتىء يعبق بما يحيط بك ويحتاج لمدة ليتلاشى هذا ان تلاشى ,

هو كتقلباتك كأحداث يومك وتراكماتها

كقراراتك وأثارها تظنها لحظيه ،ذاهبه ولكنها في النهايه تكون أنت ولا شيء آخر الا أنت

هي اثنا وعشرون عاما من المراقبه ومحاولة الفهم والتكيف والتواصل وتأجيل اتخاذ القرارت

الى متى عليك أن تؤجل اتخاذ قراراتك ؟

تتوالى التهاني “كل عام وانتي بخير “وأنا أردد بنفسي قائله

عن الفرق !ماهو الفرق بين اليوم وبين ماحدث؟

مالمختلف؟

قلت لنفسي حينها انتظارك للمختلف هو تتضيعك لجمالية لحظاتك وكما قال أدونيس :”رغبتي في ما لاأملكه حرمتني الاستمتاع بما أملكه “

ولكن هي انسانيه الانسان وطمعه في آن

وانتظارا للمساء لأنهم قرروا أن عليهم أن يحتفلوا بقدومي الى هذه الحياه…

وانتظارا للمساء عله يكون مختلفا

بداية أشكره لالهامي لهذه التدوينه
هي لصباحهم عله يكون أجمل أنقى فيروزيا أكثر
هي صباحات مختلفه تجمع على محاولة الاستمرار ومحاولة العطاء ومحاولة الحب,ولأن هناك أفكارلا ترتقي لتصبح جملا هناك صباحات لا ترتقي لأن تعنون بصباحات.
لضجيجهم وسعيهم وراء لقمة عيشهم صباح مختلف عن سابقه يخلق فيك أنت الجالس وراء الكلمات منظرا لا مطبقا دافعا للاستمرار وخجلا من خذلانك المستمر لنفسك قبل أي أحد آخر ! 
لقهوة صباح فيروزيه ,طعم بداية حب ولد ليبقى على الرغم من زواله
أيضمحل الحب في قلوب العاشقين؟يعلو الصوت قليلا
بيئولوا الحب بيئتل الوئت وبيئولوا الوئت بيئتل الحب ياحبيبي تعا تنروح ئبل الوئت وئبل الحب
بدية القصه تحت الشتي بأول شتي حب بعض وخلصت الئصه بتاني شتي تحت الشتي تركوا بعض
حب بعض تركوا بعض.
هي تغرق ببكاءها علها تفرغ مقدار الكبت من روتين مافتىء يكرر نفسه الآولاد ,الأولاد ,الأولاد تحول الصباح لصباح الأولاد من ايقاظهم لخروجهم
هو هناك يقفز من سيارة لأخرى متناسيا أخبار جرائده أيقرأ موزع الجرائد جرائده ؟
أمام النافذة هناك كهل يراقب الشارع بعين تجربته يشعر بالحزن حينا وبالغربة حينا آخر فتأخذه ذاكرته الى هناك حيث كان 
بعينان نصف مغلقتان تقود هي وليدها وبقلبها غصة خوف من تركه ولكنها هي لقمة العيش 
لأم تلوم ابنها على اهماله وتخلفه عن حضور محاضراته هي تقول أسمعها من هنا ديباجة تعاد كل صباح ولم تسمع ولن تسمع

   لفتاة وفتى اقتنصا نظرة عشق صباحيه كانت زاد مراهقة يوميه

لصباح ضحكتها نظم  قصيدتها عله يكسر جمود حاجزها ولم يستطع

لصباح من يحلم بحب أجمل

لصباح من يبحث عن رزقه ولقمة عيشه

لصباحهم وصباحنا نحن وهم علنا وعلهم نكون نحن

لصباح من نسي أبجدية الحياه ويحاول بالرغم من ذاك اعادة ترتيب أوراقه عله يستطيع اكمال ما بدأه أو عله يستطيع أن يعرف النقطة الفاصله لتوقفه

لصباح الأمل ولصباح الحلم !

أهناك علاقة بين الأمل والصباح ؟

لأبجدية الحلم صباح لم يكتمل أوصباح شارف على البداية ولم يبدأ…

هم لأنهم هم نقول لهم

تصبحون على وطن

بتزكرك كل ماتيجي لتغيم وجك بزكر بالخريف

بترجعلي كل ما الدني بدا تعتم

متل الهوا الي مبلش عالخفيف

القصه مش طئس ياحبيبي

بس هلأ ما بتزكرشكل وجك

بس بزكر ئديش كان أليف…………..

خبرني انت بعدك بتحن …………..

لكن كله مايمنع انه اشتئلك مادام كل سنه في خريف

اختصرت فيروز كل تناقضاتنا

نحبهم نشتاقهم نسعى لنسيانهم ظنا بذلك أننا تجاوزناهم 

لهم لمن يعشعشون بالذاكره ألف سلام

جد مسخره

أيام المدرسه المعلمه لما كانت بدها تبهدل كانت تبلش محاضرتها :انتو بتعرفوا انها اسمها وزارة التربيه والتعليم يعني التربيه قبل التعليم

بس التساؤل هون عن وين الاحترام والأدب والتربيه بتصريحات وزير التربيه؟؟؟

الوزيرابراهيم البدران برده على مطالب المعلمين بضرورة انشاء نقابه خاصه بهم 

“على المعلم أن يحلق ذقنه ويتعلم كيف يلبس ملابس نظيفة قبل المطالبة بنقابة”

عفوا ولكن

هل يتوقع الوزير انه بال200ملطوش الي بوخدهم المعلم الي مش عارف وين أو بأي “خزق”بده يحطهم أجار دار ولا فواتير ولا مصروف ولاد ولامواصلات ولا جامعات هذا اذا عرف يدخل ولاده جامعات

مفكر انه الأستاذ كتير مهم بالنسبه اله كيف يطلع حالق أو مش حالق وهو بفكر انه بعد الحصه لازم يرجع يوكل ويطلع يسرفس عالسرفيس أوأو عاتاكسي ابن خال عم أبو الي أبصر كيف أقنعو يتضمن التاكسي منه أو يمكن يطلع يلم خرده من الشوارع أو ينزل عابسطته ليبيع ظمتين نعنع عاظمة بقدونس أويمكن ينزل عاسوق الحراميه يوم الجمعه ويبيع هالكمن كتاب الي عنده الي فكر وهو بقرأهم أيام شبابه انه راح يطلع مدرس أه ولا مهي مهنه ساميه بنربي أجيال وبنزرع فيهم قيم  ساميه عن أهميه العمل والعمال وعن مشاريع التغير الي جاي وبنحاول نعلمهم كيف يفكروا العلم مش بصم

عفوا سيادة الوزير

الي بدو يحكي عن المعلم والتعليم ينزل عالشارع ويشوف المعلم غير محترم من قبل طلابه من قبل الناس حتى من قبل نفسه

طب ليش

المعلم غير قادر على تأمين قوت يومه وانت بتطالبه يحلق ذقنه!!!!!!!!!!!ليش هو لاقي مصاري ليشتري أواعي وهو مقصر،أي مهنه بهالعالم تحترم بناءا على دخلها وبما انه دخل المعلم بالحضيض ما تتوقعوا منه يكون المعلم الرائع صاحب المثل العليا والسؤال الي بطرح نفسه هون ليش مايطالب المعلم بنقابه؟؟؟ تاريخيا النقابه كانت موجود وتم الغاءها بناءا على اعلان حالة الطوارىء والأحكام العرفيه بالبلد والبند 120 بالدستور الي كانوا يعتبروا حجه دستوريه لعدم مشروعية النقابه فند بتوقيع الأردن على  المعاهده الخاصه بالحقوق المدنيه والسياسه الي أعطت الحق بانشاء النقابات وفقا لتصريحات الأستاذ صالح العرموطي نقيب المحامين السابق

لذا لهم أرجعوا هيبة المعلم ،امنحوه حقوقه لاأكثر ولا أقل      

يمكن من أبشع المواقف الي ممكن تسير معك كبني آدم ان تضيع جزدانك أو محفظتك أو الي بدكوا اياه

وخصوصا اذا كان في مبلغ محترم “بالنسبه لطالب جامعي”هادا غيرهوية الأحوال ولا هوية الصحيه ولا هوية الجامعه ولا بطاقة الباص الي فيها مصاري

هسا ممكن تتداين بس والله أنا بستحي ……

وممكن تطلع بالتاكسي ولما توصل تخلي يستنى وتجيبلوا المعلوم

بس اذا كنت أصلا طالع بالسرفيس شو ممكن تعمل راح تطلع بسواد الوجي ئدام خلق الله

طيب بس الحلو بالموضوع انه أنا لئيتو للجزدان والله يرضى عليه الولد الي لئاه

جد كانت صدفه بصدفه …….هسا شو الهدف من التدوينه

هي فقط تجسيد لحاله انسانيه تتمثل بالضياع

والأبشع من هيك لما تكون انسان” مفضوح “ بمعنى انه مايجول في نفسك بتجسد بشكل فعلي بحركات جسدك وتعابيروجهك فبتترك للأخر فرصه انه يكون متقدم عليك بخطوه أو حتى بخطوات

 لكن ما علينا فش داعي الواحد يكون” معمع”ومنغلق عانفسه وبألف وجي

وتعيشوا وتلائوا الي مضيعينوا

عفكرا مش ضروري تكون أشياء ماديه ممكن تكوت أشياء روحيه كمان………….

لذلك الى ذاك اليوم الذي نعثر فيه على ما أضعنا علنا عندها نقدرقيمته التي غابت عن مخيلتنا عندما كانت بحوزتنا منذ البدايه

الى ذلك اليوم

مخطىء ان ظننت أنك بوقوفك هاهنا ستصنع ماتريد

اغرق بأحلامك مااستطعت وابقى في مكانك متأملا أشباح أمالك

قالت له أنها سئمت صمته انتظارا لنطقه

هويغرق بصمته ليته يغرق بشيء آخر غيرصمته

بداية هي صدمت لصمته ,اعتادت صمته ,حاربته كي لاتتحول رغما عما كان الى آخر لايشبه الا من قضت عامان بمحاربته

هي كانت تحاول ومازالت ولأجلها هي الا من أخبرتني أنها تكلمت عامان يعادلان عشرين عاما مضت

أقول لها أنني أحبها وأحبه ولم أستطع أن أقدم أكثر من ذلك